நீதியரசர்களை குற்றம் சாட்டும் போது எம்.பிக்கள் மௌனம் காப்பது ஏன்?  

உயிர்த்த ஞாயிறு குண்டுத்தாக்குதல்கள் தொடர்பில் நீதிபதி ஒருவரை  குற்றம் சுமத்தி பான் பேசிய போது நீதிபதிகள் பற்றி பேச முடியாதென கொதித்தெழுந்த  எம்.பி.க்கள்,  தற்போது கிரிக்கெட் சபை மோசடி தொடர்பாக நீதியரசர்களை  பெயர்  குறிப்பிட்டு குற்றம் சாட்டும் போது மட்டும் மௌனம் காப்பது ஏன்?  என்று தமிழ் தேசியக்கூட்டமைப்பின் மட்டக்களப்பு மாவட்டத்தின் நாடாளுமன்ற உறுப்பினர் இரா.சாணக்கியன் கேள்வி எழுப்பியுள்ளார். 

 

இலங்கை கிரிக்கெட் அதிகாரசபையின் தலைவர், நிர்வாகசபை தலைவர் மற்றும் நிர்வாக சபைையை நீக்குதல் , புதிய கட்டமைப்பு ஒன்றை சட்டம் மூலம் அனுமதிக்கும் பிரேரணை மீதான விவாதம் நாடாளுமன்றத்தில்   வியாழக்கிழமை  (09) இடம்பெற்ற  போதே மேற்கண்டவாறு தெரிவித்துள்ளார்.

 

தற்போது மோசடியாளர் என குற்றம் சாட்டப்பட்டுள்ள  சம்மியை கிரிக்கெட் சபைத்தலைவராக நியமித்த  போது விளையாட்டுத்துறை அமைச்சராக  நாமல் ராஜபக்ஸ இருந்தார். எனவே கிரிக்கெட் சபையின் மோசடிக்கு முன்னாள் அமைச்சர்களிலிருந்து மாவட்ட அதிகாரிகள் வரை பொறுப்பு கூற வேண்டும். இப்போதுள்ள  விளையாட்டுத்துறை   அமைச்சர் கூட  எல்லாம் முடிந்த பின்னரே விடயங்களை வெளிப்படுத்துகிறார் எனவும் குறிப்பிட்டுள்ளார்.