இலங்கை முழுவதும் மழையுடனான காலநிலை தொடரும் 

நாட்டின் பல பாகங்களிலும் இன்று (10) பிற்பகல் 01 மணிக்குப் பின்னர் மழை அல்லது இடியுடன் கூடிய மழை பெய்யும் என வளிமண்டலவியல் திணைக்களம் எதிர்வு கூறியுள்ளது.

மேல், மத்திய, சப்ரகமுவ மற்றும் ஊவா மாகாணங்களில்   75 மி.மீற்றருக்கும் கூடுதலான கடும் மழை பெய்யக்கூடும்.

வடமாகாணம் மற்றும் திருகோணமலை மாவட்டத்திலும் காலை வேளையில் மழை பெய்யலாம்.

மேற்கு,  மத்திய,சப்ரகமுவ, வடமத்திய மற்றும் ஊவா மாகாணங்களில் சில இடங்களில் பனிமூட்டமாக காணப்படும் எனவும் தெரிவிக்கப்படுகிறது.

 மழை நேரத்தில் இடியுடன் கூடிய தற்காலிக பலத்த காற்று, மற்றும் மின்னல் தாக்கங்களினால் ஏற்படக்கூடிய ஆபத்துக்களில் இருந்து பாதுகாப்பாக இருக்கத்  தேவையான நடவடிக்கைகளை மேற்கொள்ளுமாறு வளிமண்டலவியல் திணைக்களம் கோரிக்கை விடுத்துள்ளது