நாட்டின் சீரற்ற வானிலை காரணமாக வெள்ள அபாயம் எச்சரிக்கை..! 

தொடரும் சீரற்ற வானிலை காரணமாக, நாட்டின் பல்வேறு நீர்த்தேக்கங்களின் வான்கதவுகள் தொடர்ந்து திறந்துவிடப்பட்டுள்ளன.

தெதுரு ஓயா, ராஜாங்கணை, அங்கமுவ, உடவளவை, தப்போவ உள்ளிட்ட நீர்த்தேக்கங்களின் வான்கதவுகளே இவ்வாறு தொடர்ந்தும் திறந்துவிடப்பட்டுள்ளதாக மேலும் தெரிவிக்கப்பட்டுள்ளது.

இதன்காரணமாக, நீர்த்தேக்கங்களின் அருகில் மற்றும் அதன் தாழ்நிலப் பகுதிகளில் உள்ள மக்களுக்கு வெள்ள அபாயம் தொடர்பாக அவதானமாக இருக்குமாறு நீர்பாசன திணைக்களத்தின் அனர்த்த முகாமைத்துவ பிரிவின் பணிப்பாளர் எஸ்.பீ.சி சுகீஸ்வர தெரிவித்துள்ளார்.