விரைவில் தகுதியான ஒருவர் பொலிஸ்மா அதிபராக நியமிக்கப்படுவார் 

அரசியலமைப்பு பேரவை பிரேரிக்கும் நபர் ஒருவரை பொலிஸ்மா அதிபராக நியமிப்பதற்கும் அல்லது நியமிக்காமல் விடுவதற்கும் ஜனாதிபதிக்கு அதிகாரம் உள்ளது. 

அதன்படி, விரைவில் தகுதியான ஒருவர் ஜனாதிபதியால் பொலிஸ்மா அதிபராக நியமிக்கப்படுவார் என ஐக்கிய தேசிய கட்சியின் முன்னாள் பாராளுமன்ற உறுப்பினர் ஆஷு மாரசிங்க தெரிவித்துள்ளார்.

சிறிகொத்தவில்  இடம்பெற்ற ஊடக சந்திப்பில்  கருத்து தெரிவிக்கையிலேயே இவ்வாறு குறிப்பிட்டுள்ளார்.

மேலும் தெரிவிக்கையில், 

ஜனாதிபதி பெயர் குறிப்பிட்டு அரசியலமைப்பு பேரவைக்கு அனுப்பும் நபர்கள் தொடர்பாக பேரவையின் நிலைப்பாட்டை  தெரிவிக்கும் அதிகாரம் அரசியலமைப்பு பேரவைக்கு இருக்கிறது.

 உயர் பதவிகளுக்கு ஆட்களை நியமிக்கும்போது அதனை வெளிப்படைத் தன்மையாக மேற்கொள்ள வேண்டும் என்பதற்காகவே அரசியலமைப்பு பேரவைக்கு ஜனாதிபதி பெயர்களை  பரிந்துரை செய்கிறார். 

அரசியலமைப்பு பேரவை பிரேரிக்கும் நபரை நியமிப்பதற்கும் நியமிக்காமல் இருப்பதற்கும் ஜனாதிபதிக்கு அதிகாரம் உள்ளது.

 அதன்படி,  நாட்டை நிர்வகித்து செல்லும் ஜனாதிபதி,  அவருக்கு பொருத்தமான ஒருவரை பொலிஸ்மா அதிபராக நியமிக்க விரைவில் நடவடிக்கை எடுப்பார். என்றார்.