வீடியோ வெளியிட்டு கணவருக்கு வாழ்த்து சொன்ன தீபிகா படுகோனே! 

பிரபல பாலிவுட் நடிகர் ரன்வீர் சிங் இன்று தனது 36-வது பிறந்தநாளை கொண்டாடி வருகிறார். இந்நிலையில், நடிகை தீபிகா படுகோனே, கணவர் ரன்வீர் சிங்குடன் நடனமாடிய வீடியோவை தனது சமூக வலைத்தள பக்கத்தில் பகிர்ந்து அவருக்கு பிறந்தநாள் வாழ்த்து தெரிவித்துள்ளார். 

அவர் வெளியிட்ட வீடியோவில் இருவரும் யஷ் ராஜ் முக்தே இசையமைப்பில் ஷாஹனாஸ் கில் பாடிய பாடலுக்கு நடனமாடியிருந்தனர். மேலும், அந்த வீடியோவின் தலைப்பில் உங்கள் பிறந்த நாள் என்பதால் சமாதானம் செய்கிறேன். இனிய பிறந்தநாள் வாழ்த்துக்கள். எனக்கு மிகவும் பிடித்த நபர் நீங்கள் என ரன்வீர் சிங்கை டேக் செய்துள்ளார்.