இந்தூர் மத்திய சிறையில் 6 கைதிகளுக்கு கரோனா தொற்று 

மத்தியப் பிரதேசத்திலுள்ள இந்தூர் மத்திய சிறையில் 6 கைதிகளுக்கு கரோனா நோய்த் தொற்று உறுதி செய்யப்பட்டுள்ளது.

இந்தத் தகவலை மத்திய சிறையின் துணைக் கண்காணிப்பாளர் லட்சுமண் சிங் பந்தாரியா தெரிவித்துள்ளார்.

இதுவரையிலும் கரோனா உறுதி செய்யப்பட்டுள்ள 6 பேரும் மருத்துவமனையில் அனுமதிக்கப்பட்டனர். தொற்றுக்கு அஞ்சி சுார் 250 கைதிகளைத் தற்காலிக சிறைக்கு மாற்றியுள்ளதாகவும் பந்தாரியா குறிப்பிட்டார்.

இன்னும் 20 கைதிகள் மற்றும் 29 சிறைப் பணியாளர்களின் பரிசோதனை முடிவுகள் எதிர்பார்க்கப்படுகின்றன என்றும் அவர் குறிப்பிட்டார்.