தீடிரென கனடா விமானத்தில் குழப்பம் : இடைநடுவே தரையிறக்கப்பட்ட விமானம்! 

கனடாவில் பறந்து கொண்டிருந்த விமானத்தில் சிறுவன் ஒருவன் சக பயணியை தாக்கி குழப்பம் விளைவித்ததால் விமானம் திடீரென தரையிறக்கப்பட்டுள்ளதாக தெரிவிக்க படுகின்றது.

ரொறன்ரோவிலிருந்து கல்கரி நோக்கிப் பயணம் செய்த விமானத்திலேயே இந்த குழப்பம் நிகழ்ந்துள்ளது.

எயார் கனடா விமான சேவை நிறுவனத்திற்கு சொந்தமான விமானத்தில் பயணம் செய்த 16 வயதுடைய சிறுவனே இவ்வாறு குழப்பத்தை ஏற்படுத்தியவனாவான்.

சிறுவன் சக பயணியை தாக்கி குழப்பம் விளைவித்ததால் விமானம் வின்னிபிக்கில் தரையிறக்கப்பட்டது

.காவல்துறை வெளியிட்ட தகவல்

சக பயணியை தாக்கிய சிறுவனை விமானப் பணியாளர்களும் ஏனைய பயணிகளும் கூட்டாக இணைந்து மடக்கிப் பிடித்துள்ளனர்.

சம்பவத்தில் காயமடைந்த பயணிக்கு சிகிச்சை அளிக்கப்பட்டதாகவும், கைது செய்யப்பட்ட சிறுவன் வைத்தியசாலையில் அனுமதிக்கப்பட்டதாகவும் கனேடிய காவல்துறையினர் தெரிவித்துள்ளனர் .